Kvæðasavn

Kall og Svein ungi

Uppskrift: FK 200A, 35, pp. 146.
Far til yvirlit yvir allar uppskriftir.

1. »Hvar rakst tú neyt míni?«
- segði Kall -
»Beint niðan í akur tín,«
- segði Svein ungi.

2. »Skamm fái tú rekandi.«
»So fái tú biðjandi.«

3. »Hevði eg hildið á spóni mínum.«
»Staðið fastur í gómi tínum!«

4. »Hevði tú verið flongdur.«
»Við mjúkari ostflís.«

5. »Við skarpum áli.«
»Ryggur tín ligið undir.«

6. »Hevði eg hildið á knívi mínum.«
»Staðið fastur í lívi tínum.«

7. »Hevði tú hingið í berginum.«
»Góða línu á mær.«

8. »Einkultur hosnatráður.«
»Sjálvur tú á endanum.«

9. »Hevði tú flotið á havinum.«
»Góður bátur undir mær.«

10. »Ongar árar.«
»Vindurin ligið at landinum.«