Kvæðasavn

Øskudólgur

Uppskrift: FK 196A, 35, pp. 128.
Far til yvirlit yvir allar uppskriftir.

1. Heima kona og bóndi
halda sær á gaman:
- væl mást tú mín bíða -
»Hvussu skalt tú føða meg,
tá ið vit koma saman?
- Yvir langar skógar at ríða.

2. Hvussu skalt tú føða meg,
tá ið vit koma børn at fá?«
»Eg skal taka mær tráðu í hond
og ganga oman við á.«

3. »Hvussu skalt tú føða meg,
tá ið eingin er fiskur í á?«
»Eg skal meg á havið út,
størri fiskar fá.«

4. »Hvussu skalt tú føða meg,
tá ið fiskurin ei vil bíta?«
»Eg skal meg í bóndans garð
og treskja kornið hvíta.«

5. »Hvussu skalt tú føða meg,
tá ið lúður vil ikki láta?«
»Eg skal taka mær tong í hond
og hamar at smíða bátar.«

6. »Hvussu skalt tú føða meg,
tá ið plógvið vil ikki ganga?«
»Far tú teg til meinvitis,
eg vil ikki við teg pranga!«